Sandane Gravferdsbyrå vert drive av Christina og Arne Jostein Gimmestad frå heimekontoret i Gloppen Kommune. Vårt arbeid ved gravferder starta i 1987 gjennom å vere filial for Fjordane Begravelsesbyrå. Sandane Gravferdsbyrå etablerte vi i 1995.

    Opplæring og lang røynsle har lært oss mykje om det å møte menneske i sorg. Det er vår oppgåve å gje syrgjande råd og rettleiing. Då er det viktig at ein kjenner tillit til kvarandre.

    Vi tilbyr å kome til dei pårørande i heimen. Det som synest vanskeleg og tungt, løyser vi ilag. Ein får gjensidig kjenne varmen av å gi og å få.

    Som medlemmar i Begravelsesbyråenes Forum Norge er vi forplikta til retningslinjer for arbeidet vårt:

• Hensyn og respekt for dei pårørande

• Taushet med hensyn på personlege forhold

• Verdighet i alle delar av yrkesutførelsen

• Å bistå med aktuelle tenester og varer

• Forskriftsmessig utstyr og godt vedlikehalden bårebil

• Å gje informasjon om alternative varer og tenester

• Å gje informasjon om prisar

• Spesifiserte rekningar for byråets tenester

• Kontrol med hensyn på standard og yrkesutførelse